Partizani me barazimin ndaj Laçit u rikthye sërish te vështirësitë dhe mungesa e vazhdimësisë. Të kuqtë humbën sërish terren me pjesën tjetër të ekipeve dhe gjendja në klubin e kuq nuk është më e mira e mundshme.
Gjithsesi, te të kuqtë duket se janë të duruar dhe kanë besim se do të kthehen te rezultatet pozitive dhe lufta për kreun e renditjes. Stenio Zhunior, një nga lojtarët kryesorë të të kuqve, ka postuar një shprehje në “Instagram”, ku shkruan: “Gjërat e mëdha duan kohë për t’u ndërtuar”.
Një postim që tregon shumë mbi atë që braziliani dhe ndoshta i gjithë ekipi mendojnë për këtë situatë jo produktive që po kalojnë në këtë nisje të sezonit. E sigurt është se te 16 herë kampionët ka besim në vete dhe se kjo fazë e dytë e Superiores mund të jetë një pikë kthese drejt fitoreve.
