Partizani do të luajë të premten kundër Teutës, ndeshje e vlefshme për javën e 10-të të Superiores. Klubi i kuq ka zyrtarizuar axhendën e këtij takimi që është caktuar të zhvillohet në orën 16:45. 16-herët kampionët e vendit rikthehen të luajnë aty ku e nisën, pikërisht në “Elbasan Arena”.
Në javën e parë të këtij edicioni të kuqtë u mposhtën 1-0 prej gafës së Alban Hoxhës. Pritet me interes ndeshja e së premtes për të parë se si do të performojnë dy ekipet në fushën e blertë. Do të ketë një hakmarrje nga të kuqtë apo Teuta do të vijojë të triumfojë? Verdiktin përfundimtar do ta japë vetëm fusha.
