Socialistët japin dakordësi për ngritjen e Komisionit të Posaçëm për reformën zgjedhore. Kjo u pohua nga kreu i grupit parlamentar socialist Taulant Balla, i cili u shpreh se jemi në darkodësi të plotë për të ngritur Komisionin të Posacëm ku do të arsyetohet objekti i punës, përbërja apo cështje të tjera.
“Këtë çështje do ta zgjidhim në mos brenda të enjtes në seancat e tjera të Kuvendit të Shqipërisë. Në jemi duke diskutuar këtë cështj,e kemi shprehur vullnetin e plotë për të ngritur këtë Komision të Posacëm. Nuk është hetim ky është komision i posacëm i reformës zgjedhore.
Nuk dua të hyj në detaje. Mendimi im është që komisioni adreson rekomandimet e OSBE/ODIHR, ky do të jetë objekt i i punës. Nëse komisionit do ti jepen propozime të tjera do të shqyrtohen. Unë besoj që ne do ta gjejmë zgjidhjen”, tha Balla.
Lidhur me zgjatjen e Vetingut, Balla ka shmangur komentet, duke u shprehur se tashmë çështja do të shqyrtohet nga Komisioni i Venecias në ditët e para të dhjetorit.
“Të presim Venecian, pastaj edhe Komisionin e Ligjeve se çfarë do të vendosin”, tha Balla.
