I mituri nga fshati Golem i Madh i Lushnjës, i cili u gjet i vetëvarur në dhomën e tij nga familjarët pasditen e së shtunës u dyshua fillimisht se ka humbur jetën për shkak të një sfidë që realizohet në aplikacionin në Tik-Tok.
Kjo ishte një ndër pistat më të forta ku janë përqendruar hetuesit, të cilët kanë konstatuar edhe profilin e të miturit në aplikacionin Tik-Tok ku rezulton se ai ka shpërndarë video, ku flitet për vetmi të thellë.
I mituri shkruante se ‘vetmi nuk do të thotë të jesh vetëm, por të kesh një zemër të vetmuar’, ‘jeta ime është mbushur me errësirë, prandaj unë rri në errësirë’. Ndërkohë në një tjetër video shkruante; ‘jetë pa lidhje, probleme pa zgjidhje, botë me shumë ngjyra, njerëz me dy fytyra’.
Nisur nga këto shprehje grupi hetimor ka dalë në konkluzion se 13-vjeçari ka kryer një vetëvrasje në kushtet e depresionit.
