Ish-deputeti Lefter Maliqi është shprehur se lëvizja e ish-Kryeministrit Sali Bërisha për mbledhjen e Kuvendit Kombëtar, pasi ka dorëzuar 4200 firma ka tronditur themelet e Partisë Socialiste.
Në një intervistë për Ora News, me gazetaren Matilda Mcini, Maliqi thotë se ish-Kryeparlamentarja Jozefina Topalli dhe ish-Presidenti Bujar Nishani, nuk patën mundësi për të rrëzuar Kryedemorkatin Lulzim Basha dhe lidhjet e tij, ndërsa shton se të gjithë e dinë se gjërat nuk ecin me Bashën në krye të PD.
Lefter Maliqi: Lëvizja e doktorit i ka tronditur themelet e PS dhe ëndrrën e tyre për të vazhduar këtë mandat të tretë dhe për të luftuar dhe për mandat tjetër. Nishani Topalli, Nishani nuk patën mundësi për të rrëzuar Bashën dhe lidhjet që ai ka. Me Lulin ne e dimë që nuk fitojmë. Tani Luli bashkë me elementin Berisha, duke pasur LSI me vete, duke pasur Nard Ndokën me vete, çamët me vete, nuk fitoi pushtetin, po tani që Berishën nuk e ka dhe as LSI? Të gjithë e kanë parë se nuk shkon më me një kryetar si Basha.
Maliqi shprehet se Basha ka gënjyer çdo demokratë ndërsa thekson se të gjithë anëtarët e PD do jenë të pranishëm në Kuvendin e 11 dhjetorit, pavarësisht asaj që deklaroi ditën e djeshme Sekretari i Përgjithshëm Gazment Bardhi pas mbledhjes me kryetarët e degëve të kësaj force politike.
Lefter Maliqi: Një kryetar partie që ka 4-5 veta që janë shkolluar në perëndim dhe flasin bukur por që janë me mbështetjen e Sorosit por nuk kanë mbështetjen bazë. Nuk ka një demokrat që nuk është gënjyer nga Basha.
Edhe ky shtrëngimi i dhëmbëve me Berishën se do përjashtohet ai që do vej në Kuvend është një gënjeshtër. Ato që kryetarë partish, dhe gjasme kanë dalë pesë pro Berishës, por të jeni të bindur se të gjithë do rreshtohen në Kuvendin e datës 11. Për shqiptarët kjo është një shpresë.
Më tej ai thotë se edhe deputetët e PS janë të zhgënjyer, ndërsa shprehet se kemi një qeveri haremi.
Lefter Maliqi: Kësaj radhe shpresa ka vdekur. Kemi një qeveri haremi. Kam takuar Blend Klosin, i zhgënjyer, kam takuar dhe Ballën i zhgënjyer, Pandeli Majko, spo ndihet më. Erion Braçe e shikoni se si sillet. Pra ka një pakënaqësi totale te PS. Po e shikoni krimin, në çdo qytet ka minimalja 100 budallenj se të mençurit kanë ikur.
