Familjarët e djalit tetë vjeçar, rrëmbyer dhe më pas vrarë nga fqinji i tij 38 vjeçari Klodian Çalamani kërkojnë dënim maksimal për të. Daja i viktimës i tronditur për sa ndodhi, foli për mediat dhe tregoi sesi e mori vesh ngjarjen dhe çfarë ka mësuar dhe kërkon për autorin.
Ai rrëfeu se ishte njoftuar nga motra e tij që ndodhej në Itali, ndërsa shprehet se shteti është fajtor për gjithë këtë ngjarje dhe se autori duhet të varet.
“është nipi im. Më tregoi motra në Itali. Nuk e dinim për dhunën që ai ushtronte. Më tha motra se ai ka qenë i dënuar më parë. kërkojmë drejtësi. Ky është shteti. Me e var si qeni. Nuk di ç’të të them më”, shprehet daja i djalit të mitur që humbi jetën teksa ishte duke luajtur dhe u rrëmbye nga monstra Klodian Çalamani, i cili edhe më herët ka qenë i skeduar për ngjarje të tilla.
Nga dëshmitë e para mësohet se pikënisja e hetimeve për të kryer kontrolle në banesën e Klodian Çalamënit erdhi për faktin se pranë banesës së tij u gjend biçikleta me të cilën fëmija po bënte xhiro, por edhe e shkuara e 38-vjeçarit i cili ishte i skeduar nga drejtësia për një tjetër pengmarrje disa vite më parë.
Ai e ka vrarë dhe më pas e ka mbuluar me baltë, duke e groposur në një cep të oborrit të tij fëmijën. Do bëhet këqyrja e trupit të fëmijës që të zbulohet se nga cfarë ka ardhur vdekja.
