Një e re është arrestuar në Pogradec pasi akuzohet për një vjedhje në banesën e një të moshuar.
Policia lokale bëri me dije këtë të Diel se “specialistët për Hetimin e Krimeve në Komisariatin e Policisë Pogradec, bënë arrestimin në flagrancë për veprën penale ‘Vjedhja’, të shtetases M. D., 31 vjeçe, banuese në fshatin Rëmbec, Maliq”.
E reja, sipas të njëjtave burime, “ka hyrë në banesën e shtetasit Gj. G., 67 vjeç, në lagjen nr. 2, Pogradec dhe ka vjedhur një sasi lekësh”.
Hetimet për rastin i kalojnë prokurorisë së rrethit, shtuan të njëjtat burime, pa dhënë të tjera detaje për ngjarjen.
