Gati tre vite është afati i punimeve për hapjen dhe vënien në funksion të qarkullimit të automjeteve, të tunelit të Llogarasë.
Kryeministri Edi Rama deklaroi këtë të Diel gjatë një fjale të mbajtur për nisjen e punimeve, se planifikohet nga kompania që ka marrë përsipër punimet, që ato të zgjasin deri në 33 muaj. Por, ai tha se shpreson që të mbyllen më herët.
Rama shtoi se çelja e tunelit do të mundësojë që Qafa e Logarasë të përshkruhet nga 7 deri në 10 minuta, duke lehtësuar qarkullimin për drejtuesit e automjeteve që udhëtojnë drejt Jugut të vendit.
Tenderi i tunelit të Llogorasë ka sjellë debate mes mazhorancës dhe opozitës, me deputetët e PD-së që kanë hedhur akuza për parapërcaktim të fituesit.
