Darko Bulatovic ka lënë pas dëmtimin dhe është gati për të debutuar me skuadrën në Superligë. Mbrojtësi malazez u bashkua me shkodranët në verë, duke bërë paraqitje të mira në Kupat e Evropës.
Mungesa e tij ka vendosur në vështirësi stafin teknik të kuqebluve, që do ketë një alternativë më shumë për prapavijën. Bulatovic prej dy muajsh kishte një problem në këmbën e djathtë, që e mbajti jashtë ekipit.
Prej një jave lojtari zhvillon stërvitje individuale, ndërsa në trajnimin e fundit ka marrë disa minuta nga Brdaric në ndeshjen kontrolluese të Vllaznisë. Veç krahut të majtë të mbrojtjes, Bulatovic luan edhe në qendër.
