Lajm i madh për Brdaric, futbollisti bashkohet pas 2 muajsh me Vllazninë

Darko Bulatovic ka lënë pas dëmtimin dhe është gati për të debutuar me skuadrën në Superligë. Mbrojtësi malazez u bashkua me shkodranët në verë, duke bërë paraqitje të mira në Kupat e Evropës.

Mungesa e tij ka vendosur në vështirësi stafin teknik të kuqebluve, që do ketë një alternativë më shumë për prapavijën. Bulatovic prej dy muajsh kishte një problem në këmbën e djathtë, që e mbajti jashtë ekipit.

LEXO EDHE  Ronaldo në stol ndaj Chelsea-t, Carrick: Po bëni drama, por e vërteta është se…

Prej një jave lojtari zhvillon stërvitje individuale, ndërsa në trajnimin e fundit ka marrë disa minuta nga Brdaric në ndeshjen kontrolluese të Vllaznisë. Veç krahut të majtë të mbrojtjes, Bulatovic luan edhe në qendër.