Policia e Bulqizës arrestoi në Pikën e Kalimit Kufitar Bllatë, shtetasin D. K, 20 vjeç, banues në Bulqizë.
Ky shtetas ishte shpallur në kërkim, pasi Gjykata e Shkallës së Parë Dibër, ka vendosur në mungesë masën e sigurisë “Arrest në burg”, për veprat penale “Kanosja” dhe “Armëmbajtje pa leje”, pasi në muajin mars 2021, pas një konflikti për motive të dobëta dyshohet se ka kanosur me armë zjarri shtetasin A.Gj.
Materialet procedurale i kaluan Prokurorisë së Rrethit Gjyqësor Dibër për veprime të mëtejshme.
