Nga Boldnews.al
Disa vite më parë, Erion Veliaj inauguroi këndin e 24-t të lojërave për fëmijë në Tiranë. Me pompozitet ai deklaronte se “ktheu një ferrishte në xhevair”. Por, zona është kthyer sërish në ferrishte dhe këndi për fëmijë është zhdukur! Boldnews.al bëri një vëzhgim në zonën prapa piramidës, atje ku ishte ky kënd fëmijësh.
Por, zona ku ishte ky kënd është rrethuar. Rikonstruksioni i piramidës ka përpirë këtë kënd, vendi i të cilit nuk cënonte punimet. Madje, ishte vendosur në një cep që spo ndërtohet asgjë. Por, investimi është hedhur në kosh.
Në foto: Vendi ku ishte këndi i fëmijëve është zhdukur
Sipas vëzhgimit të BoldNews.al, vendi pranë piramidës është rrethuar prej disa javësh. Lodrat që ishin instaluar, trotuaret me mermer dhe lulishtet e kuruara janë zhdukur. Një kënd për fëmijë dhe të moshuar që funksionoi fare pak. Dhe, u përurua me bujë nga Veliaj.
Në foto: Këndi i përuruar para pak vitesh nga Veliaj
Disa vite më parë, Veliaj shkoi në afërsi të Piramidës dhe përuroi këtë kënd. Madje theksoi se, pas këtij këndi, do të rregullohej edhe Piramida. Por, Piramida zhdukur këtë lulishte. “Kemi përuruar disa nga këndet e lodrave që kemi bërë nëpër Tiranë, por ky është pa dyshim një nga më të bukurit. Ndodhet në pjesën më të rëndësishme të qytetit, mbrapa Piramidës, një ndërtesë ikonë e Tiranës” tha Veliaj.
