“Kuvendi Kombëtar i PD që do të mbahet më 11 dhjetor do të miratojë ndryshimet statutore dhe do të çelë garën për postin e Kryetarit të ri”, u shpreh Edmond Spaho, deputet i PD-së.
Si një nga mbështetësit e Foltores, Spaho tha se deri më tani janë mbi 70 % e delegatëve që kanë mbështetur thirrjen e Kuvendit Kombëtar.
Spaho tha se gara për kryetar do të jetë e hapur dhe kushdo mund të provojë veten se sa mbështetje do të ketë.
Duke sqaruar debatin e djeshëm me kreun aktual të PD-së, Lulzim Basha, Spaho tha se nuk pati mirëkuptim dhe mbledhja u mbyll për 5 minuta.
“Nuk jemi lejuar të flasim në takimin e djeshëm, kryetari është larguar pas 5 minutash. Ndryshimet në FRPD të drejta, kanë pavarësinë e tyre’, tha Edmond Spaho.
