Milani është ende i pathyer këtë sezon të Serisë A, teksa së fundmi arriti të barazonte 1-1 me Interin në një takim që kuqezinjtë edhe mund ta kishin fituar. Pas ndeshjes, tekniku Stefano Pioli përgëzoi të tijët duke thënë:
“Gota është gjysmë e mbushur, ishte një lojë e komplikuar, por ne bëmë një paraqitje të mirë. Në fund paraqitja është pozitive ndaj një skuadre të fortë, por kemi treguar se edhe ne jemi të fortë. Ne i luajmë ndeshjet në kushte të ndryshme dhe përfshihemi më shumë. Kur kë përballë skuadra të forta, bën disa gabime. Ne u treguam të guximshëm sonte. Pati një reagim të madh pas penalltisë së Interit, qëndruam te idetë tona”.
Ibrahimoviç u përfshi pak në pjesën e parë: “Ne mund të kishim mbështetur më shumë te Zlatan, në çdo rast ishim të rrezikshëm pa u tërhequr asnjë centimetër. Rikuperimi i Rebiç është shumë i rëndësishëm, ai ka karakteristika thelbësore për ekipin. Leao ka luajtur në të gjitha ndeshjet, dhe sot ishte më pak brilant se herët e tjera”.
Guximi: “Po, ne ishim të guximshëm veçanërisht në fazën mbrojtëse. Sulmuam me shumë lojtarë në pjesën e parë, treguam një dëshirë të madhe për të sjellë në shtëpi një rezultat të madh. Vetëm ne dhe Napoli jemi ende të pamposhtur në ligat kryesore evropiane”.
Ndiheni më i fortë se viti i kaluar?: “Kemi një shumëllojshmëri zgjedhjesh, duhet të jetë kështu sepse ne jemi ambiciozë. Munguan Teo dhe Romanjoli, tani kemi edhe Mesias që do të na japë një dorë. Mund të ndryshohen pozicionet e lojtarëve, por duhet të luajmë kështu për të marrë rezultate të rëndësishme”, tha Pioli.
