Tirana dhe Dinamo ndeshen sërish mbrëmjen e sotme, prej orës 19:45, por këtë herë në kampionat. Bardheblutë synojnë të hakmerren dhe të konfirmohen në krye, teksa dinamovitët kërkojnë fitoren e parë sezonale në Superiore përballë një rivali të madh.
Një derbi për të konsoliduar kreun, por mbi të gjitha një duel për t’u hakmarrë për humbjen 2-0 në Kupë gjatë mesjavës që kaloi. Tirana sfidon Dinamon në sfidën e vlefshme për kampionatin, me mungesat e Ngoo dhe Tolit.
Dinamo ka më tepër probleme, me katër lojtarë të padisponueshëm, mes të cilëve portieri Harizaj dhe Haxhiu. Tre pikët do t’ i shërbejnë bluve të afrohen me zonën europiane, me ekipin e Shkëmbit që kërkon suksesin e parë në Superiore përballë një rivali të madh.
