Një aksident i trefishtë raportohet të ketë ndodhur në Elbasan mbrëmjen e sotme.
Informacionet paraprake njoftojnë se ngjarja ka ndodhur në aksin kombëtar Elbasan-Ish Kombinati Metalurgjik, ku një automjet po qarkullonte me shpejtësi tej normave të lejuara dhe ka goditur njëri pas tjetrit dy automjete të tjera, duke i shkaktuar dëme të konsiderueshme.
Mësohet se gjatë këtij aksidenti nuk ka patur persona të lënduar me pasoja serioze, ndërsa policia po heton për të zbardhur shkaqet që sollën aksidentin dhe ka ndërhyrë për rikthimin e normalitetit në qarkullimin e automjeteve në këtë aks rrugor.
