Tre persona janë arrestuar lidhur me ngjarjen e ndodhur në Sarandë më 20 Tetor, kur nën kërcënimin e armës dhe dhunës, i morën një shumë parash në banesë noterit Thoma Kaçi.
Policia njoftoi këtë të Enjte se bëri ekzekutimin e urdhrave të ndalimit të caktuar nga Prokuroria për shtetasit:
- Elis Avduli, 52 vjeç, lindur dhe banues në Konispol, i dënuar më parë në shtetin grek, për veprën penale “Trafikimi i narkotikëve”;
- Oltjon Kolonja (Pula), 39 vjeç, lindur në Krujë dhe banues në Sarandë;
- Vladrias Himaj, 34 vjeç, lindur në Berat dhe banues në Sarandë.
Në cilësinë e provës materiale janë sekuestruar 2 automjetet e dyshuara të përdorura në këtë ngjarje dhe 4 aparate celular.
Vijon puna për identifikimin e personave të tjerë të implikuar në këtë ngjarje, ndërsa materialet shtesë iu referuan Prokurorisë së Rrethit Gjyqësor Sarandë, për veprime të mëtejshme, shtuan të njëjtat burime.
Disa ditë pas ngjarjes, Policia gjeti dhe sekuestroi armën e zjarrit automatik të përdorur në këtë ngjarje.
