Bes Kallaku, Erion Isai dhe Olsi Bylyku u bënë bashkë pak vite më parë dhe sollën në ekran“BE Coffee”, një rubrikë me skeçe dhe të ftuar, si pjesë e emisionit të përjavshëm “E diela shqiptare”.
Më pas ata ndoqën rrugë të ndryshme pasi Olsi iu bashkua “Klanifornias”, ndëra Besi u bë pjesë e “Kosherja Show”, ku një ftesë për t’iu bashkuar kastit të aktorëve e ka marrë edhe Olsi, i cili e refuzoi.
I ftuar mbrëmjen e djeshme në “Natën me Aulonën”, Olsi u pyet se pse është zënë me Besin dhe Erionin.
“Unë nuk jam zënë as me Besin, as me Erionin. Të betohem. Madje, shkoj shumë mirë me të dy. Por, Besi zgjodhi rrugën e vetë të “Kosherja” dhe unë nuk pata mundësi t’i bashkohem me ftesën që më bënë. Erioni është Kryetar Bashkie dhe s’ka më kohë për ne aktorët. Gjithsesi, Erioni është flori. Sa herë që kalon rrugën Korçë-Ersekë na merr në telefon dhe na tregon se si i ka rregulluar”– tha Olsi me nota humori.
