Janë dy persona, shoferë, të plagosur me thikë pas sherrit pranë shkollës ‘Fan Noli’ në Tiranë.
Burime zyrtare nga Policia e Tiranës kanë bërë të ditur se një person i paidentifikuar ende pas sherrit për rrugën, ka qëlluar me thikë dy shoferët me inicialet A. V., 37 vjeç dhe V. V., 42 vjeç.
“Rreth orës 13:35, në rrugën ‘Qemal Stafa’, dyshohet se për shkak të bllokimit të rrugës, një shtetas ende i paidentifikuar qe qarkullonte me nje automjet ka goditur dyshohet me mjet prerës shtetasit A. V., 37 vjeç dhe V. V., 42 vjeç (drejtues mjeti te furgonit të shkolles) të cilët ndodhen në spital, nën kujdesin e mjekëve. Grupi hetimor po punon për sqarimin e rrethanave të ngjarjeve, identifikimin dhe kapjen e autorit”, njoftoi policia.
