Kjo “perlë” vjen nga MLS, më konkretisht në ndeshjen mes Portland Timbers dhe San Jose Earthquakes, e përfunduar 2-0 për vendësit.
Ishte minuta e 55-të dhe tabela elektronike tregonte rezultatin 1-0 në favor të Portland Timbers, kur kolumbiani Dairon Asprilla, përfiton nga një pasiguri e portierit dhe bën një zgjedhje sa të vështirë dhe të guximshme: gjuan me roveshatë dhe shënon një gol të mrekullueshëm të stilit të Zlatan Ibrahimovicit (gjiganti suedez e ka realizuar një të tillë në një miqësore mes Suedinë dhe Anglisë).
MLS mund të mos jetë ndër ligat më të forta në botë, por shpeshherë dhuron të tilla “perla”, të denja për lojtarët më të mëdhenj.
