Arian Çerma, 45 vjeç, banues në Durrës, është një nga dy të arrestuarit në kuadër të operacionit në Portin e Durrësit, ku u sekuestruan 45.5 kg heroinë.
“Task Forca permanente që operon në Portin e Durrësit, bazuar në informacionet e grumbulluara, ka ushtruar kontroll të imtësishëm në kamionët në hyrje dhe në dalje. Gjatë kontrollit në dalje në vijën e dytë, në kamionin tip ‘Scania’ në pronësi të shtetasit Arian Çerma, që drejtohej nga shtetasi Olgert Duda dhe i ngarkuar me krom, me destinacion shtetin italian, me konkretisht në kabinën e kamionit, u gjetën të fshehura 43 pako të mbështjella me natriban brenda të cilave kishte lëndë narkotike të dyshuar heroinë, me peshë totale 45 kilogramë e 500 gramë”, njoftoi policia.
Arian Çerma rezulton pronari i kompanisë me emër tregtar “Hensi Trans” dhe fushë veprimtarie “Transport rrugor kombëtar dhe ndërkombëtar mallrash ushqimore e industrial për të tretë e me qira”.
Referuar të dhënave në Qendrën Kombëtare të Biznesit, kompania i ka zyrat në lagjen 13 në Durrës.
Lexo edhe:
Droga në Durrës/ U sekuestrua 45.5 kg heroinë, dy të arrestuar
