Një aksident i katërfishtë ka ndodhur sot në Berat, në aksin midis Urës së Varur dhe Urës së Goricës.
Nga të dhënat e para mësohet se një automjet tip ‘Fiat Stilo’, pasi ka goditur disa mjete që lëviznin në atë kohë në rrugë përpara tij, ka përfunduar i përplasur me betonin ndarës të rrugës.
Në aksidentin e katërfishtë dhe dy Mercedes Benz’, e një ‘Golf’.
Si pasojë e aksidentit, fatmirësisht nuk ka pasur viktima por vetëm disa të lënduar lehtë, ndërkohë që të 4 mjetet kanë pësuar dëme të mëdha materiale.
Aksidenti shkaktoi bllokimin e qarkullimit të automjeteve për rreth 30-minuta, duke krijuar radhë të gjata makinash në të dyja krahët.
Në vendngjarje kanë shkuar forca të shumta të policisë rrugore, që pasi kanë kryer këqyrjen e vendit të aksidentit kanë spostuar edhe mjetet e dëmtuara, duke bërë që të vijojë normalisht qarkullimi.
Sipas burimeve të policisë në vendngjarje, mendohet se shkak për aksidentin e katërfishtë të jetë bërë shpejtësia e mjetit tip ‘Fiat Stilo’ si dhe mosrespektimi i distancën së mjeteve në qarkullim.
