Studiuesit norvegjezë kanë rrëzuar tezat se vaksinat kundër Covid kanë ndikim te gratë shtatzëna. Dy studime të realizuara nga studiues norvegjezë dhe të botuar në revistën shkencore “New England of Medicine” dhe “The Lancet” rrëzojnë dyshimet lidhur me ndikimet nga vaksinat, të paktën ato të certifikuara nga EMA dhe CDA.
Studimi i parë u bazua në të paktën 18.500 gra shtatzëna, duke përfshirë rreth 4.500 që kishin abortuar. Sipas studimit, nuk u gjet asnjë lidhje midis vaksinave (Moderna, Pfizer / BioNTech dhe AstraZeneca) dhe një rreziku në rritje të abortit gjatë tremujorit të parë të shtatzënisë.
“Studimi nuk gjeti as treguesin më të vogël të një rreziku të shtuar të abortit në fazat e hershme të shtatzënisë pas vaksinimit me Covid-19”, ishte konkluzioni i parë i studiuesve norvegjezë.
Studimi i dytë ndërkombëtar, i botuar në revistën mjekësore “The Lancet”, shqyrtoi 107 gra që mbetën shtatzënë ndërsa merrnin pjesë në provat klinike të vaksinave AstraZeneca në Britani, Brazil dhe Afrikën e Jugut.
U zbulua se vaksina nuk kishte asnjë efekt negativ në sigurinë e shtatzënisë, apo fertilitetin.
