Këngëtarja e famshme Celine Dion ka shtyrë fillimin e koncertit të saj të fundit në Las Vegas për shkak të disa komplikacioneve me gjendjen e saj shëndetësore.
Lajmin e ka bërë të ditur vetë këngëtarja, e cila tha se ka përjetuar spazma të forta dhe të vazhdueshme të muskujve. Dion do të fillonte serinë e re të koncerteve, me titull Céline, në ambientet e Resorts World Las Vegas muajin e ardhshëm, por ajo nuk ka mundur të bëjë prova për shkak të sëmundjes. Datat, nga 5-20 nëntor dhe 19 janar deri më 5 shkurt do të riplanifikohen.
“Jam zemërthyer nga kjo. Ekipi im dhe unë kemi punuar për shfaqjen tonë të re për tetë muajt e fundit, dhe të mos jesh në gjendje të hapësh këtë nëntor më trishton pa fjalë“, tha Dion.
