Kryetari i Këshillit Kombëtar të PD, Edi Paloka, ka reaguar pas deklaratave të kreut demokrat, Lulzim Basha, se ka mbështetjen e 95 % të anëtarëve të partisë që drejton, ndaj dhe nuk ka ndërmend të dorëhiqet.
Paloka shkruan se nëse Basha mendon se ka 95 % të mbështetjes, ai duhet të votëbesohet, dhe me këtë rast ndal përçarjen e PD që po thellohet çdo ditë e më shumë pas vendimit për përjashtimin e Sali Berishës nga grupi parlamentar.
Deputeti demokrat shkon edhe më tej kur thotë se mjafton 51 % e mbështetjes për tu konsideruar legjitim në krye të PD dhe të gjithë demokratët kanë detyrimin të bashkohen për të bërë betejën me armikun e të gjithë shqiptarëve, Edi Ramën.
Postimi nga Edi Paloka
Lul !
Ne se ke bindjen se 95% e demokrateve te mbeshtesin, atehere na e hiq kete siklet ku na ke futur te gjitheve . Mos jep doreheqje, ne se ke bindjen qe ke vepruar drejte dhe per kete ke mbeshtetjen e 95% te demokrateve, kerko votebesimin e tyre dhe ndale percarjen qe po thellohet cdo dite e me shume prej vendimit tend personal te 9 shtatorit !
Nese 51 % e jo 95 % e demokrateve te mbeshtesin, ke gjithe legjitimitetin te vazhdosh ne krye te PD e te gjithe demokratet kane detyrimin te bashkohen per te bere betejen me ate qe eshte armiku jo vetem i demokrateve po i gjithe shqiptareve, Edvin Kristaq Ramen!
Po per kete, pas situates qe eshte krijuar, me pare duhet te marresh votebesimin e demokrateve. Vota e atyre qe perfaqesojme duhet te vendose per te gjithe ne !
