Kreu demokrat, Lulzim Basha, tha se shumë shpejt do të nisi diskutimi mbi atë që e konsideroi “platforma shqiptare për demokracinë” dhe që ka të bëjë me ndryshimet të thelluara të Kushtetutës.
Basha theksoi se nuk përjashton opsionin e zgjedhjes së Presidentit nga populli, ndërsa shtoi se gjithashtu ka nevojë për një forcim të institucioneve të vendit.
Kreu demokrat tha se kjo reformë e thellë kushtetuese duhet të konsultohet me të gjithë aktorët dhe faktorët e shoqërisë shqiptare, pasi nuk mundet që të propozohen pa konsultime të gjera.
“Nuk kam hequr dorë nga një reformë e thellë Kushtetuese”, tha Basha.
