Deputetja demokrate, Albana Vokshi, u shpreh se progres-raporti duhet të kthehet në një program pune për të gjitha institucionet. Vokshi tha se opozita nuk trishtohet nëse në progres-raport jepen vlerësime, pasi ne mendojmë se Shqipëria duhej të ishte shumë kohë përpara në proceset e integrimit.
Lidhu me pjesën e zgjedhjeve, Vokshi tha se vërtet procesi u administrua mirë nga institucionet zgjedhore, por zgjedhjet nuk ishin të lira. Ajo evidentoi një seri problemesh lidhur me zgjedhjet e fundit, duke evidentuar blerjen e votave, nxjerrjen e të dhënave personale, përdorimin e institucioneve shtetërore në fushatë.
“Patronazhistët u kthyen në një skemë të mirëfilltë, e cila duhet të hetohet, duhet shkatërruar si skemë, pasi votuesit nuk votuan të lirë, u shantazhuan, u përndoqën. Mund t’ju them se mbi 50 mijë votues të Njësisë nr 9 apo asaj 11 në Tiranë, nuk votuan të lirë, pasi të dhënat e tzre personale u publikuan. U përdorën lejet e legalizimeve, u përdor presioni dhe të gjitha këto janë elementë që e bëjnë procesin zgjedhor jo me standardet e BE, por as të lirë dhe të ndershëm”, tha Vokshi.
