Kreu i Grupit Parlamentar socialist, Taulant Balla, i konsideroi si propozime konkrete ato të paraqitura nga Partia Demokratike lidhur me reformën territoriale, vettingun e politikanëve dhe zhbërjen e ndryshimeve Kushtetuese të miratuara më korrik 2020.
“Ajo që unë dua të ritheksoj është se është hap i rëndësishëm, fakti që tani në Kuvend kemi një opozitë që vjen me propozime konkrete,” tha Balla.
Por deklarata e deputetit socialist ka prodhuar ironinë e rradhës mes demokratëve që kundërshtojnë Lulzim Bashën. Anëtari i Kryesisë së PD, Gent Strazimiri përmes një postimi shkruan se sot e kemi opozitën fiks siç e do Taulant Balla.
“Si është opozita sot?
– Siç e do Taulant Balla!
Kaq!
#qëndro_në_këmbë_demokrat
#asnjë_hap_pas”, shkruan Strazimiri.
