Gazeta Koha Jonë me botues Nikoll Lesin në një kryeartikull të sajin hedh dyshime për një takim privat mes Kryeministrit Edi Rama dhe Presidentit Ilir Meta, pas zgjedhjeve të 25prillit.
Në artikull thuhet se pas zgjedhjeve Presidenti Meta ka ndryshuar kurs mënjëherë në raport me kryeministrin Rama dhe mazhorancën.
“Presidenti Meta dekretoi kryeministrin Rama dhe qeverinë e tij, ndryshe sa kishte deklaruar para zgjedhjeve se “nuk do të firmoste kryeministër që manipulon zgjedhjet”. Po kështu Presidenti firmos çdo akt apo ligj që sjell Kuvendi me dominancë nga PS.
Ndryshim kursi me 180 gradë nga Presidenti fill pas një takimit privat Meta-Rama dhe që nuk është bërë publik.
Por pse të dy tallen me publikun sepse ditën ndryshe akuzojnë njeri tjetrin në media, kurse natën pijnë verë!
E njëjta skemë si para zgjedhjeve kur ishin takuar dhe kishin drekuar Meta e Rama e nga ana publike shaheshin egër. Me pas Presidenti Meta e pranoi se ka ngrenë e pirë verë të kuqe me Kryeministrin te pallati i brigadave, ndërkohë elektorati mashtrohej sepse sulmet e tyre kundrejt njeri-tjetrit ishin katastrofale.
Edhe tani duket se Ilir Meta në shenjë hakmarrje ndaj Lulzim Bashës që i dëmtoi LSI, ka darkuar privatisht me Kryeministrin
Ndaj gjykata kushtetuese nuk do ta votojë shkarkimin e Presidentit, sepse Edi Ramës i duhet tani Ilir Meta”, shkruan gazeta.
