Arrestohen katër persona në Shkup pasi u kapën në flagrancë duke blerë vota.
Ministria e Punëve të Brendshme njofton se në rajonin e Draçevës në Shkup, respektivisht në vendin e quajtur Axhevo janë vërejtur disa persona që kanë dhënë para në këmbim të votës, në prag të zgjedhjeve lokale, sipas Alsat. Nga MPB deklarojnë se personat në fjalë kanë shkelur nenin 162 nga Kodi Penal, respektivisht kanë kryer veprën penale “ryshfet në zgjedhje dhe votim”.
“Policia ka arrestuar katër persona, tek të cilët janë gjetur 121,000 denarë dhe 250 euro. Është njoftuar prokurori publik dhe pas marrjes së urdhrave nga gjykata janë kontrolluar shtëpitë e personave në fjalë, ndërkaq të arrestuarit janë mbajtur në stacion të policisë për procedura të mëtejshme”, pohojnë nga MPB.
