Sektori i Narkotikëve në policinë e Tiranës ka arrestuar dy persona që shpërndanin drogë të Shtunën.
Nga operacioni është kapur kanabis, një shumë parash, aparate celular dhe sende të tjera të kundërligjshme.
Shtetasi me iniciale E. M, 28 vjeç u kap në flagrancë pasi në banesë iu gjetën 52 doza kanabis gati për shpërndarje.
Ndërsa K. M, 21 vjeç u arrestua pasi iu gjetën 46 doza me kanabis, një shumë parash, aparati celular dhe qeset farmaceutike që përdorte për të paketuar lëndën narkotike.
Dy të rinjtë akuzohen për “Prodhim dhe shitje të narkotikëve”.
