Një dhomë e veçuar në një banesë private në Elbasan ka marrë flakë këtë të Shtunë. Sipas policisë, flakët janë shkaktuar nga shpërthimi i një bombole gazi. Nuk raportohet për persona të lënduar.
“Rreth orës 11:00, në lagjen ‘11 Nëntori’, Elbasan, në një dhomë jashtë banesës e cila përdorej për gatim në pronësi të shtetases H.V., ka rënë zjarr si pasojë e shpërthimit të bombolës së gazit. Nuk ka dëme në njerëz dhe as dëme materiale. Grupi hetimor po punon për dokumentimin e plotë të rrethanave të ngjarjes”, njoftoi policia.
