Sorina Koti, deputetja e PD-së në Qarkun e Korçës, duke marrë e para fjalën në Foltoren që po zhvillohet në këtë qytet, kërkoi nga ish-kryeministri Sali Berisha gjetjen e një rrugëzgjidhjeje lidhur me situatën që po kalon kjo forcë politike.
Koti tha se në këtë sallë ndodhen demokratët që më shumë i dhimbset Partia Demokratike dhe logoja e kësaj partie, se sa çdo individ tjetër brenda partisë.
“Kemi protestuar për 8 vite ndaj pushtetit të Edi Ramës, na mbytën edhe me gaz, jemi këtu për atë udhëkryqin ku ndodhet Partia Demokratike. Ndaj po ju kërkoj të gjejmë një zgjidhje, ne duhet të jemi të gjithë të bashkuar”, tha Koti.
Ndërkohë Berisha duke iu përgjigjur tha se “Lulzim Basha është një kryetar që shmangu forumet e Partisë Demokratike, nuk pati kurajohen të dorëhiqej kur humbi zgjedhje pas zgjedhjeje. Padyshim që ne do të bashkohemi, por Kryetari s´mund të deklarojë se nuk do të lejoj mbledhjen e Kuvendit anti-amerikan. Po pse vota është anti-amerikane? Ne duhet të pranojmë votën, vota na bashkon”.
