Shoqëria Civile dhe të rinj të Forumit Rinor të Partisë Demokratike janë mbledhur edhe mbrëmjen e sotme tek parku i liqenit për të mos lejuar betonizimin e tij.
Pavarësisht mungesës së medias ata i kanë bërë thirrje disa herë qytetarëve të bashkohen në qendresë për të mos lejuar vijimin e punës nga ana e Bashkisë së Tiranës, e cila ka zgjedhur të punojë gjatë natës për ndërtimin e parkut të lojërave.
Ndërkohë që mijëra qytetarë vazhdojnë të qëndrojnë tek liqeni për të bllokuar betonizimin e parkut, mediat vizive heshtin. Gjithçka ka marrë kohën e tyre televizive përveç asaj çfarë po ndodh në kryeqytetin shqiptar.
Dueli vazhdon, nga njëra anë shoqëria civile e vendosur për të mos lejuar betonizimin e parkut dhe nga ana tjetër Bashkia me oligarkët e saj për të ndërtuar bizneset në zonën e vetme të gjelbëruar të kryeqytetit shqiptar.
(Boldnews)
