Ish-Gjyqtarja e Krujës, Enkelejda Hoxha dhe 8 të pandehur të tjerë, të arretuar me urdhër të SPAK para disa muajsh, kanë kërkuar gjykim të shkurtuar në seancën paraprake.
Gjykim të shkurtuar kanë kërkuar Aldo Tabaku, Manuela Mallkuçi, Bledar Petani, Sajmir Petani, Altin Skëndaj, Gazmir Nezaj dhe Gentjan Nezaj.
Ndërkohë, Gjykata ka paranuar kërkesën e Enkelejda Hoxhës dhe të pandehurve të tjerë për gjykim të shkurtuar. Seanca do të mbahet në datë 25 tetor.
Enkelejda Hoxha u arrestua pas një hetimi të SPAK, ndërsa dyshohet se ka abuzuar me detyrën duke mundësuar lirimin nga burgu të shumë emrave të njohur të botës së krimit.
Hoxha njihet për favorizimin që ka bërë për lirimin e Endrit Doklës e Hekuran Billës. Ky i fundit është ekzektuar me armë zjarri.
Më 7 nëntor të vitit 2017, Enkeleida Hoxha liroi nga burgu Genci Tafilin, vëllanë e Admir Tafilit, të dy emra shumë të njohur për drejtësinë shqiptare, të akuzuar dhe dënuar për disa vepra penale. Genc Tafili është liruar në vitin 2017 me kusht nga Gjykata e Krujës nga gjyqtarja Enkeleida Hoxha, pasi kreu 17 vite burg.
Po në nëntor të 2017-ës, gjyqtarja Enkeleida Hoxha liroi edhe Ilir Pajën nga burgu, të njohur me nofkën “UFO” nga drejtësia italiane, pasi ishte arratisur tri herë.
