Policia italiane përdori ujë me presion dhe gaz lotsjellës, për të zmbrapsur qindra qytetarë që po protestonin në Romë kundër një urdhri të qeverisë që e bën Lejen e Gjelbër anti-covid të detyrueshme për të gjithë punëtorët.
Një grup protestuesish u përpoqën të çanin kordonët e policisë për të arritur zyrën e kryeministrit Mario Draghi, ndërsa një tjetër u përpoq të hapte rrugën drejt selisë së sindikatës së punëtorëve, CGIL.
Italia bëhet vendi i parë në Europë që detyron të gjithë punëtorët të kenë Lejen e Gjelbër, në përpjekje për të frenuar përhapjen e Covid-19.
Në Shqipëri, Qeveria ka vendosur që studentët duhet që të vaksiohen, por shumica e tyre e kundërshtojnë. Nuk dihet nëse do ketë protesta të ngjashme si në Itali, por deri më tani në Shqipëri vaksinimit të detyruar i janë nënshtruar mjekët dhe infermierët, mësuesit dhe pedagogët, punonjës e administratës publike, policia etj.
