I shumëkerkuari nga policia, si kreu i një grupi kriminal që merret me trafik ndërkombëtar të lëndë narkotike, Kelmend Balili ndodhet në resortin e tij duke peshkuar i qetë. Kështu thuhet në denoncimin e mbërritur nga një qytetar dhe të publikuar nga ish-kryeministri Sali Berisha pak minuta më parë në profilin e tij në Facebook.
“Escobari i Ballkanit nen mbrojtjen e Ediscobarit te Europes peshkon i qete ne resortin e tij luksoz “Sant Quaranta”! sb”,shkruan Berisha në Facebook, teksa ka publikuar edhe këto dy imazhe.
Balili është pronar i resortit modern turistik “Santa Quaranta” në bregdetin e Sarandës, një investim prej 3 milion euro.
Mbi biznesmenin dhe ish-drejtorin e Transporteve në Sarandë, Klement Balili gjykata ka dhënë masën e sigurisë “arrest me burg” në mungesë. Balili cilësohet nga mediat greke si “Eksobari i Ballkanit”.
