Për shkak të motit me temperatura nën zero gradë Celcius në të gjithë Veriun ka probleme me qarkullimin në rrugë. Probleme në qarkullim ka edhe në zona të tjera të vendit.
Në Dibër temperaturat arritën në – 26 gradë. Për shkak të akullit në rrugë disa akse janë të pakalueshëm, ndërsa në të tjerë kalimi bëhet vetëm me zinxhirë.
Në Tropojë, aksi Qafë Mali-Fierzë është i kalueshëm me zinxhirë.
Në fshatrat Fletë, Dardhë Arës, Miliska dhe Poravë ka patur orteqe, por deri tani pa pasoja.
Në Pukë, rrugët Bardhet-Iballë, qafë Qerreti-Qelëz dhe Fushë Arrëz-Qafë Shllak janë të bllokuara. Janë të izoluar edhe fshatrat Lufë, Qafë Qerret, Kroj i Zojës dhe Rrape.
Qafë Çelë-Pukë-Fushë Arrëz, i kalueshëm vetëm me zinxhirë.
Aksi rrugor Hadroi-Qafë Bënë është i kalueshëm me zinxhirë.
Në Shalë dhe Pult të Shkodrës nuk ka energji.
Në Kukës, fshatarat Grykë-Çajë, Kalisë, Arrën, Surroj, Zapod, Topojan, Shishtavec, Malzi janë të bllokuara.
Mësohet se pa energji elektrike janë fshatrat Malzi, fshati Pistë e Gëdheshtë, Bushtricë, Fshati Vilë.
Energjia mungon edhe në fshatrat e bashkive Has e Tropojë
Rruga e Kombit është e kalueshme me zinxhirë.
Kurse në Dibër janë të bllokuar disa fshatra. Rruga kombëtare kalohet me zinxhirë si pasojë e prezencës së akullit në Qafë Buall – Bulqizë.
