Meteorologët gjermanë parashikojnë që në Greqi dhe Shqipëri, në javët e ardhshme, për shkak të reshjeve të shumta dhe stuhive, mund të ketë përmbytje.
Alarmi është dhënë në “Focus.de”, ku meteorologët parashikojnë që reshjet e shiut të kapin shifra rekord.
Reshjet kryesore parashikohen në Greqinë veriore dhe Shqipërinë jugore në zonën e bregdetit.
“Ajri i ftohtë mbi detin shumë të ngrohtë do të thotë menjëherë stuhi të forta. Kjo është arsyeja pse bëhet fjalë për këtë shi ekstrem. Dhe sa më i ngrohtë deti, aq më shumë shi ka. Mesdheu perëndimor është ende shumë i ngrohtë, 24 deri në 27 gradë. E gjithë kjo shkakton këtë katastrofë.
Por jo vetëm Shqipëria dhe Greqia preken nga shiu. Bregdeti italian i Adriatikut, Kroacia, Bullgaria, Maqedonia e Veriut, Kosova, Serbia, Mali i Zi dhe pjesë të Rumanisë gjithashtu do të kenë shi të fortë.
Në Greqinë veriore dhe Shqipërinë jugore ekziston një rrezik akut”, thuhet në artikull.
