I qeshur dhe duke bërë shaka. Kështu shfaqet në këto fotografi ekskluzive për tabloidët britanikë “The Sunday Mirror” dhe “The Sun” këngëtari George Michael, në një pub ku shoqërohej nga një mik i tij, vetëm pak orë para se të ndërronte jetë.
Ylli i muzikës dhe miku i tij misterioz janë vënë re duke qeshur me imazhet në një telefon.
Një dëshmitar ka thënë se George nuk dukej aspak i pakënaqur apo në depresion.
Fotoja është marrë në një pub, pranë shtëpisë së këngëtarit në Goring, Oxfordshire.
Sakaq mësohet se këngëtari po shijonte një kokteil Martini Espresso.
