Jack Posobiec, një gazetar dhe aktivist politik republikan, i njohur për afërsinë e tij me Presidentin Donald Trump dhe familjen e tij, ka postuar sot dy statuse në Twitter me fotot e Edi Ramës.
Në postimin e parë, ai ka publikuar edhe dy foto të Ramës, njërën ku Kryeministri shfaqet në akademinë ushtarake të SHBA-ve, West Point, dhe tjetrën një foto të postuar nga Rama me mikun e tij George Soros.
Publikimi i fotos shoqërohet me komentin: ‘Përshëndetje @WestPoint_USMA! Për çfarë bëhet fjalë?’
Ndërkohë në një status tjetër ai ka postuar vetëm foton e Rames me Soros, ku ka analizuar gjuhën e trupit të dy personazheve.
Duke hequr dy vija jeshile ai ka vënë në pah pozicionin e drejtë të trupit të Soros, dhe pozicionin e anuar për nga Soros të trupit të Ramës.
I njohur si studiues i teorive të konspiracionit, ai e ka shoqëruar foton me komentin: Çfarë ka dashur të thotë Edi Rama me këtë?
Njohësit e kodeve sekrete të shprehura nga gjuha e trupit, shpjegojnë se një pozicion i tillë tregon se ai që mban trupin drejt, zotëron fuqi të plotë mbi personin tjetër.
