Një shpërthim ka ndodhur këtë të Mërkurë në një banesë private në Elbasan. Nga shpërthimi nuk ka të lënduar, ndërsa policia konfirmoi se ka ndodhur nga një bombol gazi.
“Rreth orës 09:40, në lagjen ‘Skënderbejë’, në një magazinë e cila përdorej për gatim në pronësi të shtetasit A.R., ka rënë zjarr si pasojë e shpërthimit të bombolës së gazit dhe janë djegur orenditë e shtëpisë”, njoftoi policia.
Nuk ka dëme në njerëz, ndërkohë grupi hetimor po punon për dokumentimin e plotë të rrethanave të ngjarjes, shtuan të njëjtat burime.
