Moti i acartë ka shënuar viktimën e parë në vend. Një i pastrehë është gjetur i ngrirë dhe i pajetë në qytetin e Durrësit.
Kanë qenë banorët e lagjes 17 të qytetit bregdetar ata që njoftuan për vdekjen e endacakut, i cili ishte i njohur në qytet me emrin Beni.
Bëhet me dije se Beni vuante prej kohësh nga çrregullimet mendore dhe ishte përdorues i rregullt i pijeve alkoolike, teksa strehohej ku të mundej.
Trupi i pajetë i tij është transportuar në morgun e Durrësit për t’iu nënshtruar ekspertizës mjeko-ligjore, për përcaktimin përfundimtar të shkaqeve të vdekjes së “Benit”.
