8 kg lëndë narkotike e dyshuar cannabis sativa është sekuestruar mesditën e sotme në Malësi të Madhe.
Burimet policore njoftojnë se lënda narkotike u gjet në banesën e shtetasit D. J., 36 vjeç, banues ne fshatin Duke, i cili është arrestuar nga policia.
“Në afërsi të banesës së këtij shtetasi u konstatuan të kultivuara bimë narkotike cannabis sativa. Gjithashtu, gjatë kontrollit në banesën e tij, shërbimet e Policisë kanë gjetur dhe sekuestruar 8 kg lëndë narkotike të dyshuar cannabis sattiva” njoftoi policia.
Materialet i kaluan Prokurorisë Pranë Gjykatës së Shkallës së Parë Shkodër për veprat penale “Prodhimi dhe shitja e narkotikëve” dhe “Kultivimi i bimëve narkotike”.
