Ngritja e 3 Komisioneve Hetimore të propozuara nga Partia Demokratike do të diskutohen në seancën parlamentare të 14 tetorit.
Kjo u pohua nga Alfred Rushaj, kreu i Grupit Parlamentar të PD, i cili u shpreh se Konferenca e Kryetarëve vendosi që kërkesa e ligjshme e opozitës për ngritjen e 3 komisioneve do të diskutohet në seancën e 14 tetorit.
Opozita ka paraqitur kërkesën për ngritjen e 3 komisioneve parlamentare që do të hetojnë masakrën zgjedhore të 25 prillit, çështjen Bechetti si dhe Inceneratorët.
Gjithashtu Rushaj tha se Konferenca e Kryetarëve vendosi që mbledhjet e Komisioneve Parlamentare të zhvillohen me prezencën fizike të deputetëve, duke respektuar masat anti-Covid.
Kështu bazuar në vendimin e miratuar, deputetët që do të jenë të pranishëm në Komisione, ose duhet të jenë të vaksinuar, ose ata do t´i nënshtrohen tamponit.
