Nëse pak ditë më parë nuk arritën të përmbysnin Atalantën me një penallti të gabuar në fund, sot Interi nuk gabon dy herë dhe arrin të marrë 3 pikë në transfertën me Sassuolon.
Ishte një duel i fortë ku skuadra e Inzaghit rrezikoi shumë dhe në fund ia doli të merrte 3 pikë të rëndësishme që rikthejnë zikaltërit te fitorja e çështë më e rëndësishme, falë një Edin Dzeko që bën heroin e ndeshjes.
Pjesa e parë ishte më e mire për Sassuolon që kaloi në avantazh falë një penalltie të Berardit ndërsa fraksioni i dytë foli për miqtë.
Inzaghi bën 4 zëvendësime menjëherë që e ndihmojnë të përmbysin rezultatin falë .futjes së Dzekos i cili vetëm 2 minuta në fushë shënon golin e barazimit në 58’.
Në 78’, ishte sërish Dzeko i cili falë një asisti të Brozoviç fiton një penallti që e ekzekuton saktë Lautaro Martinez duke i dhënë avantazhin 2-1 zikaltërve.
Me këtë fitore, Interi shkon në vend të dytë për momentin në pritje të ndeshjeve të Milanit dhe kryesuesve të Napolit.
