Një 18-vjeçar ka rënë në prangat e policisë së Elbasanit, pasi gjatë kontrollit i janë gjetur dhe sekuestruar një sasi dozash me lëndë narkotike të llojit kokainë.
“Specialistët për Hetimin e Narkotikëve dhe Trafiqeve të Paligjshme në bashkëpunim me Forcën e Posaçme Operacionale në DVP Elbasan arrestuan në flagrancë shtetasin: M.C., 18 vjeç, banues në Elbasan, pasi gjatë kontrollit fizik të ushtruar nga shërbimet e Policisë iu gjetën dhe u sekuestruan në cilësinë e provës materiale një sasi dozash me lëndë narkotike të llojit kokainë”, njofton policia.
Materiale hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme, shtuan të njëjtat burime.
