Një 33-vjeçar shqiptar u arrestua nga policia italiane për trafik droge pasi në banesën e tij iu gjetën hashash dhe kokainë.
Sipas mediave italiane, i riu ishte i papunë dhe nuk kishte precedent të mëparshëm penal. Policia e kishte pikasur teksa shpërndante lëndën narkotike në zonën e Peruggias, aty edhe ku jetonte.
Efektivët pas disa orësh mbikëqyrje, pritën teksa shqiptari u fut në shtëpinë e tij, të cilin më pas e arrestuan.
Nga kontrolli që ushtruan në banesë, policia gjeti dhe sekuestroi, 1 kg hashash të ndarë në 10 pako, 5 gramë kokainë në doza të vogla, 2 peshore preçize dhe një shumë prej 2 mijë eurosh që dyshohet se ishin si rezultat i veprimtarisë kriminale.
Pasi përfunduan formalitetet, shqiptari i arrestuar u transferua në Burgun ” Perugia – Capanne ” në dispozicion të Autoritetit Gjyqësor.
