Një foshnjë e porsalindur u shtyp për vdekje në shtratin e prindërve të saj, në Britani.
Mediat e huaja shkruajnë se prindërit e saj fillimisht i thanë policisë dhe mjekëve se e kishin gjetur foshnjën 18-ditëshe të pajetë në krevatin e saj dhe shkaku i vdekjes së saj u vendos fillimisht si vdekje e pashpjegueshme.
Por patologu që kreu një ekzaminim post-mortor zbuloi se foshnja, Asha-May, ishte gjetur nën krahun e babait të saj, Michael Finney. Nëna e foshnjës, Alise Hulme e pranoi faktin që e gjeti vajzën nën krahun e djathtë të bashkëshortit të saj Finney pasi u zgjua në orën 6 të mëngjesit.
Babai i foshnjës shprehet se nuk arrin ta kuptojë se si ajo vajza arriti tek krevati i tij, pasi këmbënguli se e kishte vendosur në krevatin e saj.
Shkaku mjekësor i vdekjes është dëmtimi hipoksik pas një pengese të rrugëve të sipërme të frymëmarrje.
Për shkak se ishte një vdekje aksidentale dhe pa dashje nuk u ndërmor asnjë veprim policor për prindërit e vajzës.
