Policia britanike ka arrestuar një shqiptar si autorin e dyshuar për vrasjen e mësueses Sabina Nessa në një park në Londër.
Mediat vendase shkruajnë se në pranga ka përfunduar Koci Selamaj i cili është i dyshuari kryesor për vrasjes që tronditi Sussex-in lindor.
Vdekja e Nessa teksa shkonte të takonte një shoqe vetëm pak minuta larg shtëpisë, ka nxitur shqetësimet se gratë nuk janë të sigurta në rrugët e kryeqytetit të Britanisë. Forcat e Policisë Metropolitane thanë se një 38-vjeçar u arrestua gjatë natës në Anglinë jugore.
Në media u publikuan pamje të kamerave të sigurisë ku një burrë ishte duke ndjekur viktimën ndërsa policia e kishte shpallur në kërkim 38-vjeçarin shqiptar.
Nessa, 28 vjeç, me profesion mësuese u gjet e vdekur në Kidbrooke, në juglindje të Londrës, më 17 shtator.
